prentsaurreko Hoy ha sido presentado por la casa de discos Musikaherria el concierto "Musikaz ere.. AHT GELDITU" que va a tener lugar en Donostia al finalizar la mani. Será en diversas zonas de la parte vieja de Donostia donde actuarán varios grupos. (Más información abajo).

Podéis ver y oir, las fotos, el cartel y el audio en la página de Musikaherria.

foto / argazkia: http://www.musikherria.org/AHTprentsaurrekoa.jpg
audio / audioa: http://www.musikherria.org/AHTprentsaurrekoa.wav
cartel /kartela: http://www.musikherria.org/AHT.jpg

NOTA DE PRENSA


Bilbon, 2006ko ekainaren 7an

Gaurko honetan, hemen bildu zaituztegu, Musikherria herri diskoetxearen ekimen desberdinen berri emateko:

1. Musikaz ere AHT gelditu

Lehenik eta behin, datorren larunbatean, Ekainak 10, Donostian burutu behar den Abiadura Handiko Trenaren (AHT) aurkako manifestazio nazionala dela eta, “Musikaz ere AHT gelditu” ekimena prestatu dugu. Manifestazioarekin bat egiten du Musikherria herri disketxeak, baina proiektu txikitzaile eta inposatu honen aurka egiteko, herri-eragileen inplikazio maila altua behar dela ikusirik, manifestazioa bukatu bezain laster, 19:00ak aldera, Donostiako Alde Zaharrean Musikherriko eta inguruko musika taldeak eta bakarlariak Rock-maratoia prestatu dugu AHTaren proiektuari gure desadostasuna aurkezteko.

Manifestazioa girotzen Mulambo batukada egongo da eta gero 5 gunetan banatuko zen:

1. gunea: Boulebard (19:00-22:30)

Mix6T – SKT sekuentzia – Izate

2. gunea: Sarriegi plaza (19:00-22:30)

Bakarlariak: Jonu – Nefasto – Mantala no

3.gunea: Zuloaga San Telmo (19:00-23:30)

Ipurtzulo – Interrup-tur (antzerki taldea) – PKU

4.gunea: Konstituzio plaza (19:00-22:30)

Bort – Haitzulo – Kean

5.gunea: Trinitate plaza (19:00-24:00)

Kloratita – Txakurrak – Korumbá – Aluaren algara

Eguraldi txarra egiten badu edo Donostiako Udalak oztopoak jartzen baditu, ikuskizunak lokal eta tabernetan egingo da. Kaleko gune bakoitzean abisatuko da nora pasatuko liratezke kontzertuak (momentuz: bakarlariak REKALDE tabernara; beste kontzertuak banatu daitezke EGUZKI lokala eta IKATZ BILTOKIAren artean. Beste lokal baten konfirmazioaren zain gaude).

2. Gaztetxe Biraren bukaera jaialdia

Abenduan hasitako Gaztetxe Biraren bukaera heldu da. Horretarako, Ekainaren 17an, larunbata, Zarautzeko Putzutzulo gaztetxean jaialdia prestatu dugu 22:00etatik aurrera. Jaialdi honek, gaztetxe honetan bertan antolatu duten Software Librearen Asteburuarekin bat egingo du musika askearen aldeko apustua ozen aldarrikatuz. Horrela, Jonu bakarlaria eta Korumbà eta SKT Sekuentzia taldeak arituko dira Putzuzuloko eszenatokian.

Azken 6 hilabete hauetan Euskal Herriko gaztetxeetatik egin dugun birari buruz oso balorazio positiboa egiten dugu. 40 gaztetxe inguru zeharkatu du birak eta 40 talde baino gehiagok parte hartu du. Eskertzekoa da Gaztetxeek hartutako konpromiso irmoa Gaztetxe Bira eta Musikherriaren proiektuari dagokionez. Elkarlan polita jarri dugu martxan eta hasieran geneuzkan 3 helburuak bete ditugu:

  1. Musikherriak herri/gazte mugimenduko eragileen proiektuekin, kasu honetan gaztetxeekin, bat egitea eta elkarlana burutzea
  2. Musikherriaren proiektua eta taldeak ezagutzera ematea
  3. Gaztetxeak kultura askearen aldeko gune erreferenteak bilakatzea

3. Musikherriaren Udako Kanpaina

Musikherria, izenak berak adierazten duen bezala, herria eta musika uztartzen dituen herri disketxea da eta Jai batzorde, txosna batzorde, Gazte Asanblada zein musika eskaintzen duen eragile guztiengana jotzen ari gara geure burua aurkezteko eta, bide batez, herri mugimendu bezala, haiekin lan egiteko asmoz. Dakigunez, Euskal Herrian hainbat jai dira eta gure burua eskaini nahi diegu edozertan laguntzeko. Musikherria beste aukera bat bezala aurkezten da, baina aukera desberdina, SGAE edo SACEM bezalako eragileekin lan egiten ez duena, autogestioa praktikara eramaten duena, herri kultura eta partehartzea bultzatzen duen proiektua da. Horregatik, proiektuaren aurkezpena eta musika taldeen kontaktuak batzen dituen idazkia prestatu dugu eta herriz herri banatzen ari gara. Prentsaurreko hau aprobetxatu nahiko genuke gure telefono zenbakia 695 199 619 eta posta elektronikoa, info@musikherria.org ezagutzera emateko gurekin kontaktuan jarri nahiko lukeenak aukera hori izan dezan. Bestaldetik, disketxeari buruzko informazio gehiago lortzeko www.musikherria.org webgunea daukagu.