la kermés + pé de boi 18-11-2006

O passado sábado 18 visitárom-nos em Vigo os madrilenhos de La Kermés [1], acompanhados dos ulháns (do Val do Ulha) Pé de Boi [2]. Em verdade, foi uma de essas veladas que fam que um se reconcílie coa profission de músico. O concerto era organizado pelos Centros Sociais A Cova dos Ratos [3] e mais A Revolta.

 (Mais)

da minha pele cara adentro mando eu

Entre os panfletos que repartiam na mani do 1º de Maio (curiosamente, este ano sem ir na sua procura apanhei-os tudos) derom-me um da Asociaçom Viguesa de Estudos da Maria. Nele convidam a participar na primeira convocatoria da Global Marijuana March em Vigo, que terá lugar o vindeiro 6 de maio a partires das 19:00 h. na praza da Constituiçom, e na que se exigirá a despenalizaçom do consumo de drogas. Podedes visitar o seu site e descarregar o panfleto em formato PDF em http://humano.ya.com/ave_maria.

Esta asociaçom leva já anos funcionando em Vigo, e sao conhecidos de cara ao público por serem os convocantes do Sao Canuto todos os anos. Tenho de reconhecer que, embora levo consumindo haxixe e marijuana de jeito habitual nos últimos vinte anos, nunca participei em actos deste tipo nem organicei-me em asociaçom alguma. Porém, estou a prol da despenalizaçom absoluta do consumo de drogas, e por suposto, este tipo de iniciativas tenhem todo o meu apoio.

Mas o que chamou a minha atençom, e o motivo pelo que escrebo estas linhas, é que na parte de atrás do panfleto, e tras uma breve apresentaçom das propriedades do cânhamo, incluírom uma série de recomendaçons dirigidas a aquelas pessoas que se iníciam no consumo destas sustâncias. Sao umas recomendaçons muito boas, surgidas sem dúvida de gente que leva muitos anos fumando. Nunca antes vira-as assim, numeradas e expostas de jeito tao didático, e como acho que uma mui boa ideia difundí-las, colo-as a continuaçom. Como bem dizem eles, fagades o que fagades, as drogas deveriam empregar-se para milhorar a qualidade das nossas vidas, nao para empeorá-la. Dispor da maior informaçom possível, e mais vindo de gente experimentada, pode ser uma ajuda para tomar a decissom mais ajeitada.

 (Mais)